LEI DOMIN NIAN

Mundu ohin loron rungu ranga loos, ema baku malu arbiru, oho malu, na’ok arbiru, familia ne’ebé fahe malu ka divorsiu, laiha respeitu iha uma laran, no problema seluk-seluk tan. Ita haree hanesan laiha ona domin iha ita-nia leet. Ne’e tanba ema barak haluha lei domin nian ne’ebé fó sai husi ita-nia Kriadór. Karik ema ida-idak halo tuir lei domin nian ida-ne’e, nia sei moris ho paz no haksolok iha nia uma laran, iha nia komunidade no iha ninia nasaun ne’ebé nia hela ba.

Kada nasaun iha lei ne’ebé regula ninia sidadaun sira, tan ne’e bainhira sidadaun sira hotu halo tuir lei, nasaun ne’e sei hakmatek, iha paz no estabilidade. 

Ita nia Kriadór fó tiha ona lei ne’ebé atu regula ita, Ninia lei ne’e importante loos, karik ita tuir Ninia lei ita sei esperiensia paz ida-ne’ebé liu fali ita halo tuir lei mundu nian.

Karik ita-boot hakarak hatene loos lei husi Kriadór, favór le’e to’o hotu

· Oinsa lei Domin nian husi Kriadór ne’e to’o mai ita? No bainhira NAI koalia hotu ona ho Moisés iha foho Sinai, Nia foo testemunha iha tahan rua ba Moisés, nee mak fatuk belar rua nebee Maromak rasik mak hakerek ho Ninia liman fuan. Exodu 31:18

(Maromak (Kriadór) fó lei mai ita liu husi profeta Moisés. Lei ne’ebé Nia fó ne’e importante loos tan ne’e Nia rasik hakerek ho Nia liman fuan. Lei ne’e hakerek iha fatuk signifika dura ba nafatin, ka labele muda) 

MAI ITA APRENDE LEI DOMIN NIAN NE’EBÉ HAKEREK IHA EXODU 20:3-17  LEI DOMIN NIAN (UKUN-FUAN 10)  

Lei 1 -O keta iha maromak seluk, só Hau deit. 

Lei 2 - O keta halo estátua,y ka buat saida tan nebee iha ilas saida deit hosi buat nebee iha lalehan, ka iha rai, ka iha tasi nebee iha rai okos. keta hakruuk ba sira ka serví sira, tanba Hau mak NAI, o nia Maromak. Hau mak Maromak ida nebee laran moras. No Hau sei selu ema nia hahalok aat ba sira nia oan sira too jerasaun tolu no haat.  Maibee Hau hatudu domin metin ba ema rihun ba rihun nebee hadomi Hau no halo tuir Hau nia ukun fuan. 

Lei 3 -O keta temi NAI, o nia Maromak, nia naran arbiru, tanba NAI sei foo sala ba ema nebee temi Ninia naran arbiru. 

Lei 4 -Hanoin no halo santu loron Sabdu. Durante loron neen, o bele halo servisu, no halao o nia bisnis (serbisu) hotu.  Maibee loron ba dala hitu nee mak loron Sabdu ba NAI, o nia Maromak. Nunee, keta halo servisu ida, o, ka o nia oan mane ka o nia oan feto, ka o nia atan mane ka o nia atan feto, ka o nia animál ka ema hosi rai liur nebee hela ho o. Tanba iha loron neen nia laran, NAI halo lalehan no rai, tasi no buat hotu-hotu, no Nia deskansa iha loron hitu. Nunee NAI foo bensaun ba loron Sabdu no halo santu.  

Lei 5 -Foo onra ba o nia inan-aman hodi o bele hetan vida naruk iha rai nebee NAI, o nia Maromak, foo ba o. 

Lei 6 -O keta oho.

Lei 7 - O keta halo sala seksuál.

Lei 8 - O keta naok.

Lei 9 - O keta foo sasin falsu hasoru o nia maluk.

Lei 10 - O keta kaan o nia maluk nia uma; o keta kaan o nia maluk nia feen, ka ninia atan mane, atan feto, karau, kuda buru, riku-soin ka saida deit nebee o nia maluk nian.”.  

Lei Domin nian (ukun-fuan sanulu) bele habadak ho liafuan Domin Iha Novu Testamentu Jesus dehan Jesus dehan ba nia, “‘O sei hadomi Nai, o nia Maromak, ho o nia laran tomak, o nia klamar tomak, no o nia neon tomak.’ Ida nee mak ukun fuan uluk liu no boot liu. No ida segundu mak hanesan ida nee, ‘O sei hadomi o nia maluk hanesan o nia aan rasik. Mateus 22:37-39 

• Ita hatudu Domin ba Maromak liu husi halo tuir Lei 1 to’o 4, no
• Ita hatudu Domin ba ema liu-husi halo tuir Lei 5 to’o 10

 Ita halo tuir Laos atu hetan Salvasaun, ita hetan Salvasaun liu-husi Grasa, iha Efesus 2:10 dehan “Tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik, maibee ida nee mak prezenti hosi Maromak.   Entaun tanba saida ita presiza halo tuir Maromak nia lei? Ita tuir Maromak nia ukun tanba ita hadomi NIA, Iha João 14:15 hateten “Se imi hadomi Hau, imi sei halo tuir Hau nia ukun fuan sira.  Nudár ema kristaun ne’ebé hadomi Jesus ita presiza halo tuir Maromak nia lei sira. Ema ne’ebé halo tuir Maromak nia lei sira sei hetan bensaun sira hanesan: 

[Halo tuir Maromak nia lei hodi hetan bensaun moris nian no dame nian] 

MAI ITA HATUDU DOMIN BA MAROMAK NO BA EMA LIU HUSI 

HALO TUIR MAROMAK NIA LEI SIRA 

Example Text