Maromak nunka autoriza atu halo relasaun sexual arbiru no NIA la autoriza atu Mane ho Mane kaben ka feto ho feto kaben.
Maromak hateten “Se mane ida toba ho mane seluk, hanesan nia toba ho feto ida, sira nain rua halo buat nebee foer loos,....” Levitiku 20:13; “O keta toba ho mane ida hanesan ho feto ida, ida nee mak hahalok foer loos.” Levitiku 18:22
Maromak nia liafuan iha versikulu sira hateten katak Mane ho Mane hamutuk ne’e sala foer. Maromak la simu hahalok foer ida ne’e.
São Paulo nia surat ba iha korinto dehan katak “Imi kompriende ka lae katak ema aat sei la simu Maromak nia reinu nudar liman rohan? Keta lohi aan: ema nebee halo sala seksuál, adora ídulu, halo sala adultériu, ka mane ida nebee halo sala seksuál ho mane seluk,........- ema sira nee sei la simu Maromak nia reinu nudar liman rohan.” 1 Korinto 6:9
Sala sexual (Sexual Immoral) iha definisaun oioin maibe bele define ho simples hanesan halo sexual arbiru fora husi kaben. Kolega ho kolega seidauk kaben maibé halo ona relasaun sexual, balu sei namora hela (doben) seidauk hasoru inan aman ka seidauk kaben maibé halo relasaun. Aleinde ida-ne’e, balu involve an iha relasaun sexual beibeik laós ho fen ka laen. Balu buka namora tanba hakarak deit mak halo relasaun. Balu buka osan liuhusi relasaun sexual, ita bolu dehan prostituisaun feto ka prostituisaun mane.
Adultériu signifika iha ona fen no laen maibé ba fali halo relasaun sexuál ho ema nia fen ka ema nia laen. Balu halo relasaun ho ema ne’ebé seidauk fen no laen ka sei klosan (solteiru/a).
Saõ Paulo klaramente dehan katak Homosexual, ka mane ho mane halo relasaun sexual ka feto ho feto kaben (halo relasaun sexual hanusa ita lahatene). Ema sira ne’ebé pratika ida-ne’e sei la tama lalehan.
Loos duni katak São Paulo dala barak temi iha ninia karta katak ita hetan salvasaun liuhusi grasa, laós maihusi buat ne’ebé ita halo. Iha Ninia karta be efezu hateten “tanba liu hosi grasa mak ita hetan salvasaun, nebee mai liu hosi fiar. No ida nee la mai hosi ita rasik, maibee ida nee mak prezenti hosi Maromak, “ Efezu 2:8. Iha ne’e klaru duni, maibé laos tanba ho grasa ita la halo tuir ona Maromak nia lei sira, tanba São Paulo rasik mak hatete iha ninia karta ba Korintu katak ema ne’ebé involve an sala sexual (sexual immoral), fornikasaun, adulteiru no Homosexual sei la tama ba reinu lalehan ka sei la hetan salvasaun.
Ema barak dehan halo relasaun sexual ne’e mak buat ne’ebé halo sira kontenti liu. Ne’e loos duni katak relasaun sexual ne’e importante no halo ema kontenti liu maibé tenki tuir ninia dalan.
Labele tanba ho kontenti ita kontra Maromak nia liafuan, labele tanba ho kontenti ita lakon reinu lalehan ka labele tanba ho kontenti ita lakon salvasaun. Diak liu pasensia, tahan ita nia an to’o kaben ho loloos iha Igreja ka kulturamente kaben mak foin halo relasaun. Tanba reinu lalehan ne’e diak liu, furak liu, no iha ne’eba kontenti liu fali kontenti ne’ebé ema senti iha relasaun sexual. Kontenti iha relasaun sexual bele senti iha minutu balu ka oras balu nia laran, maibé kontenti iha reinu lalehan ne’e kontenti rohan laek.
Neduni, mai ita buka kontenti rohan laek. Mai ita hadook an husi sala foer ne’e. Mai ita hadook an husi sexual imoral, mai ita hadook an husi adulteriu, mai ita hadook an husi homosexual.
Karik ema balu involve an ona iha sexual imoral sira ne’e, sei iha oportunidade ba ita-boot atu arepende. Ita-boot seidauk atraza. Maromak hadomi ita-boot.
MAROMAK HADOMI SALA-NAIN SIRA MAIBÉ NIA ODI SALA. Maromak la gosta ita-boot nia hahalok sala, Maibé Nia hadomi ita-boot, Nia sei simu ita-boot no ajuda ita-boot atu hetan mudansa iha ita-boot nia moris.
Maromak fó bensa!